BEHAR BEZALA ERABILI EDUKIONTZIAK
Sortzen ditugun hondar organiko guztiak konpost ontzian utzi behar ditugu. Ez horretan ez gainerako edukiontzietan ongi etortzen ez dena (gainerakoen frakzioa: ispiluak, kristalezko baxera, pixoihalak…) edukiontzi berdera bota.
Gainerakoen frakzioa eskuarki zabor poltsa deitzen duguna da, birziklatzeko gaika biltzerik ez dagoen material horiek guztiak edukitzen dituena. Gainerakoen frakzioa edukiontzi berdeetan utzi behar da.
GOGORATU: edukiontzi urdina (kartoia eta papera), edukiontzi horia (plastikozko ontziak, metalikoak eta bricka), iglua (beira) eta olioak biltzeko edukiontzia.
Zaborra egokiro botatzeko ahalegina egin behar dugu, ingurumenak eta etorkizuneko belaunaldiek eskertu eginen digute.
Birziklapena ongi egiteko ezinbestekoa da gaikako bilketa.
KONPOSTONTZIA
BAI: Fruta, Berdura, Barazkiak, Eltzekariak, Arroza eta pasta, Ogia, gailetak eta opilak, Fruitu lehorrak, Fruita hezurrak, Lore eta landare hondarrak, Baratzeko hondarrak, Haragia, Arraina, Itsaskia, Hezurrak eta arrain hezurrak, Arrautza eta arrautza oskola, Gazta eta esnekiak, Maskoten ilea, Hondarrez bustiriko ahozapiak edo sukalde papera, Kartoizko arrautzontzi zikinak, Kafe hondarrak eta iragazkiak, Infusio hondarrak eta poltsatxoak (graparik gabe), Madalenen papera, Kortxozko tapoiak, Zotzak eta zur txirbilak.
EZ: Errautsak, lurra, zigarrokinak, gai ez konpostagarria (beira, plastikoa, metala…), pixoihalak, konpresa eta tanpoiak, animalien gorotzak, plastikozko poltsak.
ORGANIKOA ETA GAINERAKOEN FRAKZIOA
Edukiontzi honetan hondakin organikoak (biohondakinak) eta gainerakoen frakzioa utzi behar dira.
BAI: Oskolak, Egoera txarreko janaria, Hezurrak, azalak, arrain eta itsaski hondarrak, Bestelako biohondakinak, Janarien hondarrak: fruta, berdura, haragia, arraina, ogia, gisatuak, postrea, gozokiak, Zigarrokinak, Berariazko edukiontzirik ez duten beste hondakin batzuk, Pixoihalak, Komuneko papera, konpresak, tanpoiak eta paper-zapi bustiak, Xurgatu edo ekorturiko hondarrak.
PAPERA ETA KARTOIA
Edukiontzi urdinera, mota guztietako etxe hondakinetarik paperez edo kartoiz eginik daudenak bota behar ditugu.
BAI: Egunkari eta aldizkariak… Publizitate liburuxkak, Kartoizko eta paperezko kutxa eta ontziak, Arrautzak saltzeko kartonajea.
EZ: Zelulosak (pixoihalak, konpresak, paperezko zapiak…), Tetrabricka, Paper zikinak, parafina paperak, paper metalizatuak edo plastifikatuak.
ONTZIAK
Edukiontzi horian plastikozko ontziak utziko ditugu, ez biodegradagarriak ez berrerabilgarriak ez direlako eta haiek birziklatzea anitz kostatzen delako. Horretarako komeni da likidoak erabat ateratzea, deskonposatzean usain txarrik ez sortzeko.
BAI: Plastikozko ontziak: edariak (ura, esnea, olioa…), detergenteak, jogurta, plastikozko poltsak, poliestirenozkoak… Ontzi metalikoak: kontserba latak, freskagarri latak, aerosolak (hutsik), aluminiozko papera… Brick motako ontziak: esnea, zukuak, tomatea…
EZ: CDak, DVDak, VHSak, Gomazko eskularruak, jostailuak (plastikozkoak), Pertxak, oinetakoak eta arropa, Pixoihalak, Baxera, Etxetresna elektriko txikiak, Plastikozko tresnak: biberoiak, sukaldeko tresneria, kuboak… Latak ez diren metalezko objektuak.
SUKALDEKO OLIOA
Utz ezazu sukaldeko olio erabilia edukiontzian ongi itxiriko plastikozko ontzi baten barnean. Hustubidetik isurtzeak gure ibai eta akuiferoen kutsadura eragiten du. Haren birziklapenak, ingurumena zaintzen laguntzeaz gain, xaboia eta biodiesela egiteko balio du.
BAI: Sukaldeko olio erabilia: oliba, ekilorea, soja…
EZ: Autoko olioa edo olio industrialak.
BEIRA
Iglu formako edukiontzi berdean beirazko ontzi guztiak utzi behar ditugu, hau da, botilak, potoak eta flaskoak. Horiek tapa edo tapoirik gabe utzi behar dira (hori ez da beira). Gainera, beira makina bat aldiz birzikla daiteke.
BAI: Beirazko botilak: zukuak, freskagarriak, muztioa, sagardoa, ardoa, likoreak… Beirazko poto eta flaskoak: kontserbak, marmelada, lurrina eta kosmetika.
EZ: Ispiluak, Kristalak eta ateetako, leihoetako, autoko… beirak, Bonbillak eta fluoreszenteak, Beirazko tresnak: basoak, kopak, pitxerrak, irudiak… Botiken ontziak, baxera, portzelanazko irudiak… Ontzien tapoiak.