Pilak eta sendagaiak
Hondakin arriskutsuak: zaindu zure osasuna eta ingurumena
PILAK
Metalak eta konposatu kimikoak dituztenez, pilak eta bateriak hondakin arriskutsuak dira. Ohiko zaborretara botatzen badira, lurzoruari eta urari eragiten dieten substantzia kutsatzaileak aska ditzakete.
Ingurumen-inpaktuak saihesteko, eraikin publikoetan, ikastetxeetan eta merkataritza-establezimenduetan kokatutako bilketa-puntu espezifikoetan utzi behar dira beti. Kudeaketa egokiak materialak berreskuratzea eta kutsadura prebenitzea ahalbidetzen du.
SENDAGAIAK
Iraungitako, erabiltzen ez diren edo hondarrak dituzten sendagaiak ez dira zakarrontzira edo hustubidera bota behar. Behar bezala biltzeak osasunerako eta uraren kutsadurarako arriskuak saihesten ditu.
Farmazietan eta osasun-zentroetan eskuragarri dauden edukiontzi espezifikoetan utzi behar dira, eta baimendutako sistema batek tratatu behar ditu.
Sendagaien hondakinen bilketa ez du Mankomunitateak egiten: SIGREk, irabazi-asmorik gabeko erakundeak, kudeatzen du. Honek farmazia-laborategiek produktuak herritarren eskura jartzeko erabiltzen duten banaketa-kanal bera baliatzen du.
Zer utzi
- Iraungitako sendagaiak
- Jada behar ez diren sendagaiak
- Ontzi hutsak
- Blisterrak
- Flaskoak
- Sendagai-kutxak
Zer ez utzi
- Orratzak edo objektu zorrotzak
- Termometroak
- Erradiografiak
- Gazak
- Produktu kimikoak
- Pilak